|
|
|
|
Club Wo-Van saer 1921. Opgerich in et bekčnde etablissement "Et Wit Paerd" van d'n toenmalige oetbater Zef Wulms in et jaor 1921. (Kiek op de pagina `wiej et gekómme is`). Op dit moment besjteit Wo-Van oet 17 leede, wovan 5 ein besjtuur vorme, en daonaeve 4 ereleede. Club Wo-Van kump neit gans dčks nao boete, maar is neit mee weg te dčnke in et Zittesj vereinigingslaeve. Zo zeen ziej ummer present biej de kčnjeroptoch, de grote optoch, de sacramentsprocesse en de St. Rosa-processe. Ouch sjteit Club Wo-Van ummer gereit óm biej de versjillende aktiviteite in et Zittesj vereinigingslaeve de hčnj oet de moewe te sjtaeke. Wo-Van haet dan ouch hulp gebao biej ónger angere: jubbelei van de Marotte, finale LKZH 2005 van 't Trumke en 't Träötje, de Zittesje Revuu en zo wiejer. Tensjlotte zeen ziej, saame mit de auwt prinse, verantjwoordelijk veur de organisatie van et jaorlijks trökkómmende alternatief sjöttefees, woo ziej uiteraard ouch zellef aan mit doon. Veurnamelijk sjteit de vereiniging in et teike van et "óngerling vermaak". Der waere dus jaorliks ein aantal aktiviteite gereigeld woobiej de naodrök op de sjpas en de lol ligk. Dees aktiviteite waere ummer door versjillende leede georganiseijerd en der is al van alles óngernómme, van ein róndjleiding in ein broewerie tot handjbaogsjeite. Ouch waere d'r gereigeld meerdaagse oetsjtčpkes nao et boetelandj óngernómme. Wiejer včntj geer op dees websait mit en mit ein sjtökske historie van Wo-Van, genómme oet et bouk "Club Wo-Van Zitterd 1921-1971" van Zef Wulms. Ein prachtig bouk euver de vereiniging, gemaak door ein van de eesjte leede van Wo-Van, Zef Wulms, in Zitterd baeter bekčnd čs den Tip-Top. Veer wunsje uch väöl sjpas mit et rondjnaaze op dees sait. Höb geer vraoge en of opmirkinge, dan heure veer diej heel gaer op ós E-pos-adres:
|
|
|
|
